Wiktionary:Lankideak

Wiktionarytik
Jump to navigation Jump to search

Orri honetan azaltzen zaizu zergatik den gomendagarria lankide bezala erregistratzea eta nola erabili emandako abantailak. Badaude beste batzuk jada wikiztegiko lankideak direnak.

Erregistratzeko arrazoiak[editatu]

  • Ez daukazu zertan eman inolako informazio pertsonalik. Eskatuko zaizun bakarra, lankide izena eta pasahitza izango dira. Helbide elektronikoa jar zenezake nahi izanez gero, baina ez da derrigorrezkoa.
  • Zureak izango diren erabiltzaile orria eta eztabaida orria izango dituzu eta helbide elektronikoa baduzu, posta jaso ahal izango duzu. Horrela, hobeto komunikatu zintezke gainontzeko lankideekin.
  • Zure ekarpenak ikusteko gai izango zara, proiektuagatik egindako guztia ikusteko.
  • Segimendu zerrenda bat ere edukiko duzu, eta bertan ohartaraziko zaizu interesatzen zaizkizun artikuluetan gertatzen diren aldaketez.
  • Anonimoak edo erregistratu gabeak diren lankideek ez daukate fidagarritasun handirik, askotan ohitura gabeko pertsonak edo bandaluak baitira. Horrela, bada, beraien argitalpenak zorrotzago izaten dira ikuskatuak.
  • Txokoan edo eztabaida orrietan "—~~~~" erabiliz sinatu ahal izango zenuke.
  • Artikuluen izenburua aldatzeko gaitasuna lortzen da, beti ere arrazoi batzuk emanez gero.

Azalpen batzuk[editatu]

Erregistraturiko lankideentzako hainbat azalpen daude ondoren. Horrelako lankidea oraindik ez bazara, zeren zain zaude?

Nola erregistratu[editatu]

Erregistratzeko, orriaren (wikiztegiko edozein orri) goiko eta eskuineko aldean aurkitzen den Izena eman edo saio berria hasin klik egin eta jarraitu argibideak. Bestela, egin ezazu klik orri bukaeran dagoen oharrean. Garrantzitsua da lehenago Wikiztegiko politikak ezagutzea. Ez da inoren gustukoa ikustea nola ezabatzen den artikulu bat arauak ez betetzeagatik, administratzaileena ere ez.

Segimendu zerrenda[editatu]

Orri bakoitzean "jarraitu" lotura bat izango duzu. Artikulu bat aukeratzen duzunean, zure jarraipen zerrendara erantsiko da. Zerrenda honetan ordenaturik agertuko dira artikuluak, azkenengo aldatu denetik hasita (bai zuk edo bai beste batzuek). Horrela, zabaldu, aldatu edo ezabatuak direnean, segituan konturatuko zara.

Erabiltzaile orria[editatu]

Artikulu nagusia: Wiktionary:erabiltzaile orria


Lehen ere esan dugu erabiltzaile orria lortzen duzula erregistratzean. Bertan, zuri buruzko informazioa, lotura interesgarriak... jar zenitzake.

Eztabaida orria[editatu]

Artikulu nagusia: Wiktionary:eztabaida orria


Eztabaida orri pertsonal bat ere izango duzu, gainontzeko wikilariek mezuak uzteko bertan. Mezu berri bat uzten dizuten bakoitzean, Wikiztegian bisitatzen duzun lehen orrian ohartaraziko zaizu, horrela ideia berriak garatu eta sorturiko edozein arazo konpontzeko aukera izango duzu.

Erabiltzaile motak[editatu]

Ikus, gainera[editatu]

Egin zaitez wikiztegiko lankide