Wiktionary:Wiktionary zer den

Wikiztegiaren logoa

Wikiztegia hiztegi eleanitza, web-oinarriduna eta eduki askekoa da. Wikiztegian mundu osoko bolondresek idazten dute. Bertako artikuluak Internetera konektatutako edozeinek idatzi ditzake, aldatu lotura sakatuz.

Hau, erabilpen zein edizioa askeak direlako ematen da eta Wikimedia irabazi-asmorik gabeko fundazioak mantendu eta administratzen du. Lehen aipatu bezala, Wikiztegia eleanitza da eta munduan zehar dauden milaka boluntariori esker hedatu da. Proiektu honen xedea ahalik eta hizkuntza gehienetan idatzitako hiztegia sortu eta hedatzea da.

Historia

Wikiztegia Interneten jaiotako hiztegi askea da. Egun hizkuntza askotan eskaintzen da eta GNU lizentziapean ekoizten da. Wikiztegia Wikimediaren proiektu bat da eta bertan copyrightik gabeko liburu, irudi, hiztegi, hizkuntza ikastaroak… eskaintzen dira.

Wikiztegia Wiki teknologian oinarritzen denez, web nabigatzaile batetik edozein erabiltzailek sor zein alda dezake artikuluen edukia. Hori erabilpena eta edizioa askeak direlako gertatzen da eta Wikimedia irabazi-asmo gabeko fundazioak mantentzen eta administratzen du. Wikiztegia eleanitza da eta munduan zehar dauden milaka pertsonek hedatua da.

Helburua

Wikiztegiaren helburua doako hiztegi fidagarria sortzea da. Gainera, proiektua internazionala den heinean, ahalik eta hizkuntza gehienetan idatzia egotea ere garrantzitsua da.

Ezaugarriak

Giza jakituriaren bilduma baino, hiztegi bat izan nahi du Wikiztegiak.

Eduki askea

Testu oro GFDL lizentziapean erabilgarria izan arren, Wikiztegiko irudi eta soinu batzuk ez dira erabilpen librekoak. Enpresa logotipo, kantu eta copyrightdun argazki batzuk erabilpen zuzenerako besterik ez daude.

Hizkuntza ezberdinetako edizioak

Frantsesezkoa, ingelesezkoa, turkierazkoa, lituanierazkoa, vietanmiterazkoa eta errusiarra dira bost edizio garatuenak. 172 hizkuntzatako edizioak ditu Wikiztegiak, baina, edizio bakoitza besteekiko independentea da. Edizio ezberdinak ez daude elkarloturik, baina “ikuspuntu neutroa” bezalako arauak dituzte komunean.

Ezinbesteko ezaugarriak

Wikiztegiaren proiektuaren definiziotzat har ditzakegu ondorengo hiru ezaugarriak:

Hiztegi bat izatea du helburu.
Salbuespen txikiez aparte, edonork argitaratu dezake.
Eduki irekia dauka.

Edizioa

Bisitatzaile orok editatu dezake artikuluren bat Wikiztegian. Artikulu baten autorea izateko ez da gaian aditua izan beharrik. Erabiltzaileen kolaborazioari esker, artikuluak sortu zein hobetu egingo direla uste baitu Wikiztegiak.

Arauak

Ezinbestekoa da aurretiaz idatzitako testu baten copyright-a errespetatzea. Ez ekarri Wikiztegira beste autore batzuen testurik, arazoak sor baititzake legez kanpoko jarrera baita. Era berean, debekatuta dago Wikiztegiko edukiren bat beste inon copyright-pean argitaratzea.

Azkenik, badira Wikiztegitik kanpo dauden artikulu batzuk, ez direlako hiztegi bateko artikulutzat hartzen. Hala nola, Wikiztegian azalpenak ez dira entziklopedia batean bezala sakontzen. Horretarako Wikipedia dago.

Bandalismoa

Wikiztegiak behin eta berriz jasan behar duen arazoa bandalismoa da. Bandalismoa, hiztegiaren artikuluen modifikazio inozo eta iraingarriak dira. Nahiz eta hasieran arazo larri bat dirudien, orokorrean bandalismoak ez du Wikiztegian prosperatzen.

Wikiztegi publikoaren parte gehiena intentzio onak dituenez, eta normalean eguneroko edizioen artean bandalismoak minoritarioak direnez, hauek ez dute luzaro mantentzen ezabatutak edota rebertituak izan gabe.

Bandaloak anonimoak izaten dira normalean, Wikiztegiak erregistratu gabeko jendearen artikuluen argitaratzea onartzen baitu. Bestalde, oso arraroak diren kasu batzuetan, erregistratua dagoen lankide batek bandalismo ekintzak egiten ditu behin eta berriz. Ekintza hauek ideologia, bai kulturalak zein erlijiosoak, lagundurik datoz. Hauek, indibiduoa argitaratzen jarraitzera eta euren ideiak inposatzera bultzatzen dute. Kasu hauetan, zigortuak izan ohi dira lankide hauek.

Ikus, gainera

Kanpo loturak